"Qazgıdromet" aldaǵy úsh kúnge arnalǵan aýa raıy boljamyn jarıalady.

Sınoptıkter málimetinshe, respýblıkanyń basym bóliginde frontaldy bólikterdiń áserinen jaýyn-shashyn bolady. El ortalyǵynda jáne ońtústik-batysta jańbyr jaýyp, naızaǵaı kútiledi. Respýblıkanyń batysyna soltústik antısıklon áserin tıgizedi, osyǵan baılanysty jaýyn-shashynsyz aýa raıy men taýly aýdandarda jańbyr men qar boljanady. Barlyq óńirde jel kúsheıedi, ońtústikte shańdy daýyl turady, soltústikte jáne shyǵysta tuman, soltústikte kóktaıǵaq, ońtústikte naızaǵaı bolady. Túnde jáne tańerteń tuman boljanady.

Soltústik Qazaqstan oblysynda jeldiń jyldamdyǵy 15-20 m/s quraıdy. Túnde oblystyń ońtústik-batysynda jel ekpini 25 m/s deıin kúsheıedi. Qostanaı oblysynda 15-20 m/s jyldamdyqpen jel turyp, óńirdiń batysynda, soltústik-batysynda tuman, kóktaıǵaq kútiledi.

Jambyl oblysynyń ońústik-batysynda jáne taýly aýdandarynda shańdy daýylmen birge jel kúsheıedi. Kúndiz oblystyń shyǵysynda jáne taýly aýdandarynda naızaǵaı bolady. Aqmola oblysynyń soltústik-batysynda tuman, kóktaıǵaq bolady. Óńirdiń soltústiginde jel 15-20 m/s kúsheıedi.

Shyǵys Qazaqstan oblysynyń batysynda, soltústiginde, soltústik-shyǵysynda jel 15-20 m/s jetedi. Kúndiz Pavlodar oblysynyń soltústiginde, soltústik-shyǵysynda jáne soltústik-batysynda tuman kútiledi, kúndiz oblystyń ońtústiginde jeldiń kúshi 15-20 m/s artady.

Qyzylorda oblysynyń soltústik-batysynda naızaǵaı kútiledi, ortalyǵynda 15-20 m/s ekpinde jel soǵady. Kúndiz Túrkistan oblysynyń taýly aýdandarynda, Aqtóbe oblysynyń soltústik-shyǵysynda, Qaraǵandy oblysynyń ońtústik jáne shyǵysynda jel 15-20 m/s kúsheıedi.

1 qazannan bastap, soltústik-batys antısıklonnyń batystan shyǵysqa qaraı yǵysýyna qaraı, jaýyn-shashynnyń toqtatylýy jáne aýa temperatýrasynyń odan ári tómendeýi men sýyq kútiledi.