Tesla jáne SpaceX kompanıasynyń bas atqarýshy dırektory Ilon Mask Qytaıdaǵy elektr energıasynyń jetispeýshiligi jahandyq haos týdyrýy múmkin ekenin eskertti. Ol
Qytaıdyń kúsheıip kele jatqan energetıka daǵdarysyna alańdaýshylyq bildirdi.

Sarapshylar "energıanyń jetispeýi jahandyq jetkizilim tizbeginiń turaqtylyǵyna qaýip tóndiredi" dep eskertedi.

Qytaı qazir kómir baǵasynyń ósýine baılanysty energetıkalyq daǵdarystyń bel ortasynda tur. Elde parnıktik shyǵaryndylarǵa baqylaýdyń kúsheıýi jáne provınsıalarda energıany durys paıdalanbaý haosty odan ári kúsheıtip, úıler, kásiporyndar men zaýyttar jaryqsyz qaldy.

Tehnologıalyq ımperıasy Qytaıdaǵy óndirýshilerdiń úzdiksiz jumysyna súıenetin Ilon Mask energetıkalyq daǵdarystyń áserin sezip úlgergen.

Elektr qýatynyń toqtaýy mıllıarderdiń elektromobılder shyǵaratyn Tesla kompanıasyna qatysty birqatar zaýyttardaǵy óndiristi toqtatty.

Szánsý provınsıasynyń Kýnshan qalasyndaǵy "Eson Precision Engineering" kompanıasy óndiristik jelini ýaqytsha toqtatýǵa májbúr boldy.

Keıbir sarapshylar "alda aýyr qarjylyq apat kútip tur" dep alańdaýly. Mamandar Qytaıdyń ekonomıkalyq ósýiniń toqtap qalýy saldarynan qarjylyq quldyraý bolýy yqtımal dep boljaıdy.

Mysaly, "Nomura" toby óziniń ósý boljamdaryn 8,2 paıyzdan 7,7 paıyzǵa deıin qysqartty.

Bunyń yqpaly Qytaıdyń ózine ǵana emes, Tesla men Apple sıaqty tehnologıalyq alpaýyttarǵa tıedi dep kútilýde.

Ilon Mask tvıtterde "Bul óte mańyzdy problema" dep jazdy.

Dúısenbi kúni Qytaıdyń soltústik-shyǵysyndaǵy Heılýnszán, Szılın jáne Láonın provınsıalarynda jergilikti buqaralyq aqparat quraldary elektr energıasynyń "kútpegen jáne buryn-sońdy bolmaǵan" úzilisi bolǵanyn habarlaǵan.

Qytaıdyń memlekettik "Global Times" gazetiniń jazýynsha, bul úzilister "adamdardyń kúndelikti ómiri men kásipkerlik operasıalardyń aýqymdy buzylýyna ákeldi".

Qytaı sheneýnikteri óndirýshiler men fabrıkalardy elektr energıasyn tutynýdy shekteýge shaqyrdy.

Láonın provınsıasynyń ortalyǵy Shenánda haos ornap, elektr energıasynyń kenetten toqtaýy baǵdarshamnyń isten shyǵýyna ákelip soqty.

Al, "Goldman Sachs" sıaqty AQSH qarjylyq alpaýyttary Qytaı týraly ósý boljamdaryn ózgertti.

"Goldman Sachs" sarapshylary Qytaıdyń ónerkásiptik qyzmetinde 44 paıyzǵa deıin haos boldy dep esepteıdi.