Qarataý aýdanyna qarasty Asar shaǵyn aýdanyn optıkalyq jeli arqyly sapaly ınternetpen qamtý úshin Shymkent qalasy ákimdigimen jeke ınvestorlar tartylǵan bolatyn.

Osy jumystardyń nátıjesinde «i-LinkNet» jaýapkershiligi shekteýli seriktestigi tarapynan Asar shaǵyn aýdanyna optıka jelisi tolyq júrgizildi. Bul týraly qalalyq sıfrlandyrý basqarmasy málimdedi. Mamandardyń aıtýynsha, ondaǵy 2000-ǵa jýyq úıge talshyqty optıka jelisi, ıaǵnı, jalpy sany 200 shaqyrymdy qamtıtyn abonenttik kabel tartylǵan.

Nátıjesinde, atalǵan shaǵynaýdandaǵy 9 myńǵa jýyq turǵyndy sapaly ınternetpen qamtýǵa tolyq múmkindik bar. Búginde, ótinish qaldyrǵan 200-ge jýyq úıge ınternet jelisi qosylyp, turǵyndardan qosymsha ótinishter qabyldanýda. Egerde turǵyndar tarapynan keńjolaqty ınternet jelisine qosylýǵa naqty ótinimder berilgen jaǵdaıda, «i-LinkNet» kompanıa tarapy shaǵyn aýdandy tolyqqandy talshyqty optıka jelisimen (200 Mbıt/sek jyldamdyǵyna deıin) qamtamasyz etetin bolady.

Aldaǵy ýaqytta, «i-LinkNet» kompanıasy Samal-3 shaǵyn aýdanyn (100%) talshyqty optıka jelisimen qamtý jumystaryn júrgizetin bolady,- deıdi basqarma mamandary.