Shymkent qalasyna ınvestısıa tartý jáne ınvestorlardy qoldaý maqsatynda «Shymkent» áleýmettik-kásipkerlik korporasıasynyń «Shymkent Invest» ınvestısıalar tartý departamenti quryldy. Departament dırektory bolyp Bolat Etekbaev taǵaıyndaldy. Ol osyǵan deıin «Shymkent» ÁKK» AQ-nyń Investısıa deparatamenti dırektorynyń orynbasary qyzmetin atqaryp kelgen.

Departamenttiń negizgi qyzmeti - qala ekonomıkasyn jan-jaqty taldaý; qala turǵyndary jáne qonaqtaryna qajetti ınvestısıalyq jobalardy anyqtaý; sol jobalarǵa ınvestorlar tartý; ózdiginshe (óz jer teliminde) júzege asyrylyp jatqan ınvestısıalyq jobalardy qoldaý.
Qazirgi tańda departamentpen jalpy ınvestısıa kólemi 349 mlrd teńge quraıtyn 25 ınvestısıalyq joba boıynsha memorandým túzildi. Alda taǵy 118 mlrd teńge quraıtyn 4 ınvestısıalyq joba boıynsha memorandým túzý josparlanýda. Bul jobalar aıasynda 57 problemalyq másele qarastyldy, onyń 60 paıyzy oń sheshim tapqan. 

Máselelerdiń basym bóligi ınvestısıalyq jobany qalanyń bas josparyna sáıkestendirý, qosymsha jer telimderin bólý jáne ınjenerlik-kommýnıkasıalyq ınfraqurylymǵa qosylý úshin tehnıkalyq sharttar alýǵa qatysty bolǵan.