Shymkent qalalyq soty, qalalyq jumyspen qamtý jáne áleýmettik qorǵaý basqarmasy men QR «Rýhanı qoǵam álemi» qoǵamdyq qory basshylary ózara yntymaqtastyq týraly memorandýmǵa qol qoıdy.

Memorandýmǵa qol qoıý rásimine Shymkent qalasy boıynsha Sottar ákimshisi basshysynyń m.a. Q.Islamov, qalalyq jumyspen qamtý jáne áleýmettik qorǵaý basqarmasynyń basshysy B.Narbekova jáne QR «Rýhanı qoǵam álemi» qoǵamdyq qorynyń prezıdenti L.Qoıshıeva qatysty.

Memorandýmnyń maqsaty – otbasylyq qatynastar men qundylyqtardy saqtaýǵa jáne nyǵaıtýǵa baǵyttalǵan jaǵdaılar jasaýǵa, sondaı-aq Shymkent qalasynyń AHAT bólimderinde psıhologıalyq keńes berý arqyly ajyrasýdyń aldyn alý, nekelik jáne otbasylyq qatynastarda mádenıetti saqtaýdyń mańyzdylyǵyn túsinýge baǵyttalǵan.

Taraptar ózara yntymaqtastyq baǵyttary boıynsha pikir almasyp, aldaǵy ýaqytta qujat aıasynda AHAT organdarynda «tatýlasý bólmeleri» qurylatynyn, onda «Qazaqstan áıelderi respýblıkalyq keńesi» ÚEU-nyń Shymkent qalasyndaǵy fılıaly ajyrasýǵa ótinish bergen jubaılarmen kezdesýler ótkizetinin josparlap otyr.