Túrkistan oblysynda "nesıeńdi jaýyp beremin" dep turǵyndy aldaǵan bank qyzmetkeri ustaldy,  dep habarlady Polisia.kz.

Kentaý qalasy polısıa bólimshesiniń kezekshi bólimine jergilikti turǵyn alaıaqtyń qurbany bolǵanyn aıtyp, shaǵymdanǵńan. Jábirlenýshiniń aıtýynsha, belgisiz adam ózin "bank qyzmetkerimin" dep tanystyryp, "nesıeńdi jaýyp beremin" dep  sendirgen. Kúdikti osy isi úshin jábirlenýshiden 200 myń teńge aqsha alyp, bergen ýádesin oryndamaı ábigerge salǵan.

Atalǵan jaıtty Kentaý qalasy polısıa basqarmasy qylmystyq kodekstiń 190-baby (Alaıaqtyq) boıynsha tirkep,  kúdiktiniń jeke-basyn anyqtap, ony ustaǵan. Ol buryn bank qyzmetkeri bolyp jumys istegen jergilikti turǵyn bolyp shyqty.

Belgili bolǵandaı, ustalǵan er azamat aldaý jolymen alǵan aqshany óziniń qajettiligine jaratyp úlgergen. Qazirgi ýaqytta sotqa deıingi tergeý amaldary júrgizilip jatyr. Tártip saqshylary alaıaqtyń budan basqa da qylmystarǵa qatystylyǵy anyqtalýda.