Aqmola oblysyna qarasty Baıqonys aýylynda páter órtenip, bes jastaǵy bala kóz jumdy. Bul týraly oblystaǵy tótenshe jaǵdaılar departamentiniń baspasóz qyzmeti habarlady.

Departament málimetinshe, órt 1 qazan kúni saǵat 06:15-te Baıqonys aýylyndaǵy eki páterli turǵyn úıde bolǵan. Órt 85 sharshy metr aýmaqty sharpyǵan.

"Órtti sóndirýge TJD-nyń 6 qyzmetkeri jáne bir órt sóndirý tehnıkasy jumyldyryldy. Otaǵasy áıeli men eki balasyn qutqaryp úlgerdi. Ókinishke qaraı, 2016 jylǵy úlken uly órtten kóz jumdy. Kúıik shalǵan er adam Stepnogor qalalyq aýrýhanasyna jatqyzyldy" dep jazylǵan habarlamada.

Tótenshe jaǵdaılar departamenti órt 07:14-te aýyzdyqtalyp, 07:46-da sóndirilgenin málim etti. Órttiń shyǵý sebebin mamandar anyqtap jatyr.