Facebook, WhatsApp jáne Instagram áleýmettik jelileri alty saǵatqa sozylǵan úzilisten keıin qaıta qosyldy.

Facebook kompanıasy munyń sebebin konfıgýrasıalyq aqaý bolǵanymen baılanystyrdy.

Barlyq úsh medıa qyzmet Facebook-ke tıesili. Alty saǵat boıy olardy jelide nemese smartfon qosymshalarynda paıdalaný múmkin bolmady.

Aqaýdy baqylaıtyn tehnologıalyq uıymdar kompanıada búkil álem boıynsha 10,6 mıllıon problema týǵanyn habarlady. Bul buryn-sońdy bolmaǵan eń úlken sátsizdik ekeni aıtyldy.  

Facebook seısenbide jasaǵan málimdemesinde "konfıgýrasıalyq aqaý kompanıanyń ishki quraldary men júıelerine áser etti, bul – máseleni sheshý áreketterin qıyndatty" dep habarlady. 

Buǵan deıin Facebook-tiń negizin qalaýshy Mark Sýkerberg jelilerdiń isten shyqqanynan zardap shekkenderden keshirim suraǵan bolatyn.

"Facebook, Instagram, WhatsApp jáne Messenger endi jelige qaıta qosylady. Búgingi isten shyqqany úshin keshirińizder. Men sizderdiń jaqyn adamdaryńyzben baılanysta bolý úshin bizdiń qyzmetterge qanshalyqty senetinderińizdi bilemin" dep jazdy Mark Sýkerberg Facebook paraqshasynda.