Qazgıdromet 6-7 qazan kúnderi Nur-Sultan, Almaty jáne Shymkent qalalaryna arnalǵan aýa raıy boljamyn habarlady.

6 qazanda elordada kóshpeli bult shyǵyp, túnde qar jaýyp, tuman túsedi. Soltústikten sekýndyna 9-14 metrge jetetin jel soǵady. Aýa temperatýrasy túnde 3-5 gradýsqa deıin tómendeıdi, kúndiz 2-4 gradýs jyly bolady.

7 qazanda kóshpeli bult shyǵady, biraq kún jaýyn-shashynsyz bolady. Batystan jyldamdyǵy sekýndyna 5-10 metrge jetetin jel soǵady. Aýa temperatýrasy túnde 5-7 gradýsqa deıin tómendep, kúndiz 4-6 gradýs jyly bolady.

Almatyda 6 qazanda kóshpeli bult shyǵyp, jaýyn-shashyn jaýady. Túnde qatty jańbyr jaýyp, arty qarǵa ulasady. Soltústik-shyǵystan jyldamdyǵy sekýndyna 5-10 metr bolatyn jel soǵady. Aýa temperatýrasy túnde 0-2, kúndiz 4-6 gradýs jyly bolady.

7 qazan bultty, jaýyn-shashynsyz ótedi. Jel sekýndyna 2-7 metrge deıin jetedi. Aýa temperatýrasy túnde 2-4 gradýs sýyq, kúndiz 2-4 gradýs jyly bolady

Shymkentte 6-7 qazanda kóshpeli bult shyqqanymen, jaýyn-shashynsyz bolady. Soltústik-shyǵystan sekýndyna 8-13 metr jel soǵady. Aýa temperatýrasy túnde 2-4, kúndiz 12-14 jyly bolady.