Aqtóbe qalasynyń turǵyny balasyn grantqa oqýǵa túsirmek bolyp, 1 mıllıon 300 myń teńge aqshasynan aıyrylyp qalǵan, dep habarlady Polisia.kz saıty.

29 qyrkúıekte Aqtóbe qalasynyń 40 jastaǵy turǵyny polısıaǵa alaıaqtyq árekettiń qurbany bolǵany týraly aryzdanady.

Ótinish berýshiniń aıtýynsha, 2 shilde kúni ol qalanyń eski bóliginde ornalasqan dámhanada aldyn ala kelisim boıynsha beıtanys áıelmen kezdesken. Kúdikti qala ýnıversıtetteriniń birine "aqysyz bólimge" oqýǵa túsýge kómektesetinin aıtyp, kórsetilgen qyzmet úshin 1 300 000 teńge kóleminde syıaqy alǵan.

Shaǵymdanýshynyń aryzy boıynsha kúdikti tulǵasy anyqtalyp, uzamaı ustalǵan.

Buǵan deıin ázilkesh Tursynbek Qabatovtyń qyzy UBT-daǵy zańǵa qaıshy áreketi úshin test tapsyrýdan shettetilgeni habarlanǵan.