Qazaqstanǵa 4 mln dozady ákelinedi dep kútilip otyrǵan Pfizer vaksınasy eldiń eń iri megapolısi ári vırýstyń taralýy joǵary bolyp otyrǵan Almaty qalasyna qazan aıynyń sońyna taman jetkizilmek. Bul týraly Almaty qalasy ákiminiń orynbasary Erjan Babaqumarov ortalyq komýnıkasıalar qyzmetinde ótken brıfıńte habarlady.
Ol almatylyqtar arasynda ujymdyq ımýnıtet qalyptastyrý úshin vaksınasıa qarqynyn áli de údete túsý kerektigin aıtty. Sózinshe, qazirgi tańda 960 myń qala turǵyny vaksına saldyrǵan. Bul kórsetkish 1 mıllıon 300 myńnan asqanda ǵana qalany qaýipsiz dep sanaýǵa bolady. Oǵan qol jetkizý úshin áli 300-400 myń adamǵa vaksına salý ońaı sharma emes deıdi ol.
Sondaı-aq ol Pfizer vaksınasy Almatyǵa qazan aıynyń sońyna taman jetkiziletinin atap ótti.
Al Almaty qalasy densaýlyq saqtaý basqarmasynyń basshysy Narıman Tabynbaev Pfizer vaksınasy týraly tolyǵyraq aqparat berdi. Onyń aıtýynsha, vaksına 20 qazannan erte ákelinbeıdi. Alǵashqyda 160 myń shamasynda doza keledi dep kútilýde.
