Pentagonnyń burynǵy bas ofıseri Nıkolá Chaılannyń aıtýynsha, Qytaı jasandy ıntellekt salasy boıynsha AQSH-tan asyp ketti.

Londonda shyǵatyn "Financial Times" gazetine bergen suhbatynda "biz 15-20 jyldan keıin Qytaımen básekelesip jeńetin múmkindigimiz qalmaıdy" dedi Chaılan.

Onyń pikirinshe, qazirgi kezdiń ózinde AQSH pen Qytaı arasyndaǵy básekede kimniń jeńgeni anyq. Ol Beıjiń men Vashıngton arasyndaǵy jarys " áldeqashan aıaqtaldy" dep qosty.

"Chaılan Qytaıdyń jasandy ıntellekt, mashınalyq oqytý jáne kıber múmkindikter salasyndaǵy jetistikteriniń arqasynda jahandyq ústemdikke bet buratynyn boljady" dep jazady Financial Times.

Ol AQSH-tyń keıbir úkimet vedomstvolaryndaǵy kıber qorǵanys qabiletin "balabaqsha deńgeıinde" dep aıyptady.

Bul Chaılan Pentagonnyń baǵdarlamalyq qamtamasyz etýdiń birinshi basshysy qyzmetinen ketkennen keıingi alǵashqy suhbaty.