Shymkent qalasynyń ekonomıkalyq sotynda «Medıasıa – daýdy retteýdiń balamaly joly» atty dóńgelek ústel ótti. Kezdesýde tatýlastyrýshy-sýdá B.Segizova, «Avtorlar ánderiniń odaǵy» respýblıkalyq qoǵamdyq birlestiginiń bas dırektory Nýrbek Enjanov pen orynbasary Daýlet Mahsýdov, «Adilet Group» zań konsýltanttar palatasy apparatynyń basshysy, kásibı medıator Dınara Baıserikova, Shymkent qalasynyń advokattar alqasynyń advokaty Alma Ahatova qatysty.

Tatýlasý rásimderin damytýdyń jáne daýdy sotqa deıingi retteý ózekti máseleleri talqylandy.

B.Segizova óz sózinde medıasıany talap aryz sotqa kúnnen bastap 10 kúnniń ishinde tatýlastyrýshy-sýdá júrgizetitin aıtty. Sotqa «Avtorlar ánderiniń odaǵy» RQB-nen birtekti talaptarmen aryzdar túsýde. Osyǵan baılanysty, medıasıanyń artyqshylyǵyn eskere otyryp, Birlestiktiń ókilderine daýlardy balamaly jáne tıimdi beıbit jolmen jolmen retteý máselesin qarastyrý usynyldy.

Usynysty qoldaı otyryp, Nýrbek Enjanov talap-aryzdardyń 80%-ǵa jýyǵy medıasıa tártibimen retteletinin atap ótti. Sonymen qatar, Birlestik ókilderi medıasıanyń odan ári damýy máselesin qarastyrýǵa daıyn ekendigin alǵa tartty.

Kezdesý barysynda medıatıvtik kelisimdi bekitý maqsatynda uıymdastyrylǵan taraptar arasyndaǵy kelissózderge kásibı medıatordardyń qatysýyn qarastyrý týraly usynys aıtyldy.

Dınara Baıserıkova tatýlastyrýshy-sýdálarǵa arnap Frıdrıh Ebert atyndaǵy Qoryna negizinde trenıń-semınar ótkizý máselesin qarastyrýdy usyndy. Bul shara tatýlastyrýshy-sýdálardyń kelissózder júrgizý daǵdylaryn úırenip, sot daýlaryn nátıjeli retteýge oń septigin tıgizedi.

Dóńgelek ústeldiń qatysýshylary oı-pikirmen almasyp, barlyq týyndaǵan suraqtar boıynsha tolyqqandy jaýap berilip, kún tártibindegi ıdeıalar men usynymdar keleshekte sot júıesiniń damýyna durys úles qosady dep kútedi.