Shymkenttegi kvazımemlekettik sektor uıymdarynda komplaens qyzmetteriniń jumysyn uıymdastyrý boıynsha «Komplaens qyzmeti - kvazımemlekettik sektorlardaǵy sybaılas jemqorlyqqa qarsy is-qımyldyń tıimdi quraly» taqyrybynda semınar-jıyn ótti.

Semınarǵa Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysynyń birinshi orynbasary T.Serikbaev, Qazaqstan Respýblıkasynyń Prezıdenti janyndaǵy Memlekettik basqarý akademıasynyń Shymkent qalasy boıynsha fılıalynyń dırektory A.Nysanbaev, qalalyq aqparattyq-aǵartýshylyq shtabynyń múshesi Á.Ahmetova, «Shymkent – Adaldyq alańy» jobalyq keńsesiniń basshysy J.Qambar, jergilikti atqarýshy organdarynyń vedimistik baǵynysty uıymdarynyń komplaens-ofıserleri qatysty.

Onlaın shara barysynda Talǵar Serikbaev sybaılas jemqorlyqqa qarsy kúresti kúsheıtý jáne ony boldyrmaýdyń qazirgi zamanǵy ádisterin qoldaný máseleleri, onyń ishinde korporatıvtik sektor úshin de mindet ekendigin jetkizdi.

«Búgingi tańda álemde korporatıvtik parasattylyqty qamtamasyz etýdiń negizgi quraly komplaenstiń táýelsiz qyzmetteriniń táýekelderdi basqarý jáne ishki baqylaý sheńberindegi tıimdi qyzmeti bolyp tabylady.Komplaens mamandarynyń negizgi mindetteriniń biri - quqyq buzýshylyqtardyń aldyn alý jáne uıymnyń iskerlik bedelin qorǵaý bolyp tabylady» - dedi T.Serikbaev.

Ol basty ustanym kvazımemlekettik sektordyń barlyq uıymdarynda komplaens bólimshelerin qurý jáne olardyń tıimdi qyzmeti ekendigin atap ótti. Sonymen qatar, Akademıanyń Shymkent qalasy boıynsha fılıalynyń dırektory A.Nysanbaev sybaılas jemqorlyqqa qarsy komplaenstiń tıimdi júıesin qurýǵa, eń aldymen ISO 37001 «Paraqorlyqpen kúres menedjmenti júıesi» halyqaralyq standarty demeý bolatyndyǵyn jetkizdi. Sondaı-aq, spıker ISO 37001 standarty jáne onyń negizinde sybaılas jemqorlyqqa qarsy komplaens qalaı qurýǵa bolatyny týraly tolyq aqparat berdi.

Jıynǵa qatysýshylardyń paıymdaýynsha kompanıalar arasynda sybaılas jemqorlyqqa qarsy kúres komersıalyq turǵydan oryndy ekenin túsinýshilik artyp keledi, óıtkeni jemqorlyq bıznes úshin bedelge jáne qarjylyq shyǵyndarǵa nuqsan keltiredi.

Al, «Shymkent – Adaldyq alańy» jobalyq keńsesiniń basshysy J.Qambar parasattylyq qundylyqtaryn dáripteý jaıynda sóz qozǵady. Kezdesý qorytyndysy boıynsha sybaılas jemqorlyq deńgeıin tómendetýge jáne korporatıvtik parasattylyqty nyǵaıtýǵa baǵyttalǵan barlyq usynystardy Shymkent qalasy boıynsha sybaılas jemqorlyqqa qarsy qyzmeti tolyq qoldaıtyny atap ótildi.