Endi qala turǵyndary kasada tólqujat nemese kýálik úshin memlekettik bajdy tóleýdiń qajeti joq. Óıtkeni, muny QR-kod arqyly smartfonnyń kómegimen iske asyrýǵa bolady.
«Buryn QR kómegimen jer ýchaskelerine aktiler daıyndaý jáne berýge, jyljymaıtyn múlikke quqyqtardy, kondomınıým obektilerin tirkeýge jáne jer qatynastary, jyljymaıtyn jáne jyljymaly múlik salasyndaǵy qyzmetterge, sondaı-aq zańdy tulǵalardy memlekettik tirkeýge baılanysty memlekettik qyzmetterdi tóleýge bolatyn. Qazirdiń ózinde 50-den astam klıent QR-kodtyń kómegimen tóqujatty nemese kýálikti resimdeýdi tóledi», – dedi «Azamattarǵa arnalǵan úkimet» memlekettik korporasıasy Shymkent qalasy boıynsha fılıalynyń baspasóz hatshysy Altynaı Tataeva.
QR-kod arqyly tólemdi qaladyǵy barlyq 10 HQO-da júzege asyrýǵa bolady. HQO-ǵa júgingen kezde klıentter memlekettik bajdy Homebank jáne Kaspi qosymshalaryndaǵy QR-kod arqyly tóleı alady.
2021 jyldyń segiz aı ishinde Shymkent qalasynyń HQO-lary tólqujattar men jeke kýálikterdi berý boıynsha 13 818 myń memlekettik qyzmet kórsetildi. Jeke kýálik úshin memlekettik baj mólsheri 584 teńge, tólqujat úshin – 23 336 teńgeni quraıdy.
Memlekettik qyzmetterdi QR-kodtyń kómegimen tóleý alǵash ret 2020 jylǵy qarashada iske qosyldy. Jalpy aıtqanda, Memlekettik korporasıa 662 memlekettik qyzmet túrin kórsetedi. Sondaı-aq, QR-kod árbir qyzmet boıynsha jáne árbir klıent úshin jeke qalyptastyrylady.
