IKomek 109 ortalyǵy qala turǵyndarynyń joǵalǵan zattaryn tabýǵa járdem beredi. Bul ortalyq memleket basshysynyń halyqpen keri baılanys ornatýdy kúsheıtý týraly tapsyrmasyna sáıkes qala ákiminiń bastamasymen osydan 1 jyl buryn ashylǵan edi. Qazirgi tańda mekemede 50-ge jýyq qyzmetker jumys isteıdi.

IKomek 109 ortalyǵy joǵalǵan zattardy tabýǵa kómektesedi. Bul ortalyq qala ákimi Murat Áıtenovtiń bastamasymen osydan 1 jyl buryn ashylǵan bolatyn. Mekemede 50 qyzmetker halyqqa qyzmet kórsetip jatyr.

IKomek búginde qala turǵyndarynyń qoǵamdyq kólikterde, adamdar kóp shoǵyrlanǵan jerlerde joǵalǵan zattaryn tabýǵa kómektnsedi. Sebebi, sońǵy ýaqytta munda turǵyndar tarapynan qolyndaǵy múlkinen kóz jazyp, izdep habarlasýshylar kóbeıgen.

Ortalyq tek adamdardyń kóz jazyp qalǵan dúnıelerin emes, úıine oralmaı keshigip jatqandar jasóspirim oqýshylardy da taýyp beredi eken. Jolaýshylar kóligi jáne avtomobıl joldary basqarmasyna qońyraý soǵý arqyly barlyq qoǵamdyq kólikterge dabyl qaǵady. Al sala mamandary turǵyndar arasynda eń kóp joǵalatyny sómke men ámıan deıdi.

Qazirgi kúnge deıin 600-den astam joǵalǵan zattar tabylǵan. Onyń ishinde 250-ge jýyǵy sómkeler, ámıandar. 150-ge jýyq qujattary bar faıldar, papkalar men 72 tólem kartalary tabylǵan.

Alaıda osy bir múmkindikti paıdalanyp, alaıaqtyqqa baratyndar da joq emes. Bóten adamnyń múlkin óz menshigim dep, aılasyn asyrmaqshy bolǵandar oqta-tekte kezdesetin kórinedi. Degenmen ortalyqqa habarlasyp, alǵystaryn aıtatyn turǵyndar da barshylyq.

Sala mamandary jaqynda «Amanat» dep atalatyn qosymsha iske qosylatynyn aıtady. Bul baǵdarlama múlkin joǵaltyp alǵan jáne zattardy taýyp alǵan adamdardy baılanystyratyn kópirge aınalmaq.