Shymkent qalasynyń onkologtary Groznyı qalasynda ótken onkologıa salasyndaǵy Dúnıejúzilik kóshbasshylardyń forýmynda óz tájirıbelerimen bólisti.

Halyqaralyq jıyn – medısınadaǵy az ınvazıvti tásilderdi qoldana otyryp, ony emdeý ádisterine keńinen engizý úshin uıymdastyrylǵan. Dúnıejúzilik forýmǵa qatysqan shymkenttik onklogtar emdeý ádisteri jóninde shet eldik áriptesterimen tájirıbe almasty.

Qaladaǵy onkologıalyq ortalyqtyń hımıoterapıa jáne endovaskýlárlyq onkologıa bóliminiń meńgerýshisi medısına ǵylymdarynyń kandıdaty Daýranbek Arybjanov forýmda mı isikteri kezindegi endovaskýlárlyq aralasý baǵytynda baǵdarlamalyq baıandama jasady.

Sondaı-aq jıynǵa qatysqan jergilikti medısına mamandary endovaskýlárlyq operasıalar jónindegi tájirıbesimen bólisti. Halyqaralyq forým aıasynda jas medısına ǵalymdardyń baıqaýy uıymdastyrylyp, saıys nátıjesi boıynsha qazaqstandyq jas onkologtar Madıar Ómirbaev pen Sardar Almetovtyń baıandamalary úzdik dep tanyldy.

Aıta ketsek, eki kúndik forýmda embolızasıa ádisteri boıynsha túrli taqyrypta sheberlik sabaqtary da ótti.