Ál-Farabı aýdany prokýratýrasynyń bastamasy negizinde «Úsh býyndy model konsepsıasy: polısıa, prokýratýra, sot» taqyrybynda, Shymkent qalasy prokýrorynyń orynbasary E. Marat, Ál-Farabı aýdanynyń prokýrory Q. Handıllaevtyń, polısıa ókiliniń, advokattyń jáne zańgerlerdiń qatysýymen kezdesý uıymdastyryldy.

1 qańtardan bastap QPK-ke engizilgen ózgeristerge sáıkes, endi prokýrordyń qylmystyq qýdalaý orbıtasyndaǵy róli asa mańyzdy býynǵa aınaldy. Polısıa organymen tulǵaǵa qatysty qabyldanǵan sheshimder prokýrordyń kelisiminsiz zańdy kúshi bolmaıdy, demek prokýrordyń jaýapkerishiligi artady, halyqtyń prokýrorǵa degen senimi kúsheıedi jáne eń bastysy qylmystyq qýdalaý orbıtasyna zańsyz tartylǵandar sany azaıady» – dep sóz tarqatty.

Aýdan prokýrory Q. Handıllaev: «Ál-Farabı aýdanynda qylmystyq prosesti sıfrlandyrý jumysy qarqyndy júzege asyrylýda.Bul jańashyldyq azamattardyń quqyǵyn qorǵaý kezinde óte tıimdi qural.

2018 jyldan bastap Bas Prokýratýra elektrondyq qylmystyq isti engizýde. Qazirdiń ózinde aýdanda tirkelgen isterdiń 58,2%-y sıfrlyq túrde tergeledi.Demek elektrondyq júıede manıpýlásıa jasaý jáne burmalaý múmkin emes.

Búgingi kúni engizilgen jańa modelge sáıkes qylmystyq ister boıynsha prokýrorlar kúdikti dep tanýdyń 621, tulǵanyń áreketin saralaýdyń 532, isti qaıta saralaýdyń 512, merzimin úzýdiń 1346 jáne óndiristen toqtatýdyń 980 prosestik sheshimin zerdelegen.