Shymkent qalasynyń 55 jastaǵy turǵyny Ǵalymjan Syzdyqbek koronavırýstyń aýyr túrin jeńip shyqty. Eki ókpesi qabynǵan azamat 7-shi qyrkúıek kúni Asar shaǵynaýdanyndaǵy juqpaly aýrýlar ortalyǵyna jedel járdem kóligimen aýyr halde jetkizilgen. Dárigerler er kisiniń jaǵdaıynyń aýyr bolýyna baılanysty ony jansaqtaý bólimine jatqyzǵan.

Medısına mamandary naýqasqa ókpeniń kompúterlik tomografıasyn jasap, qos ókpesi qabynǵanyn anyqtaǵan. Buǵan qosa koronavırýs ınfeksıasy oń nátıje kórsetken. Kompúterlik tomografıa nátıjesinde ókpesiniń 90-paıyzy zaqymdalǵany anyqtalyp, satýrasıasy 80-ge deıin tómen bolǵan. Jansaqtaý bóliminde naýqas ózdigimen dem ala almaı, apparatqa qosylǵan.

– Túsken kezde jaǵdaıy óte aýyr boldy. Satýrasıasy 80-ge deıin túsip ketken. Kt-da 90-paıyz ókpesi zaqymdalǵanyn kórdik. Jansaqtaý bóliminde antıkogýlántty, vırýsqa qarsy, antıbakterıaldy em aldy. Sonymen qosa NIVL apparatyna qosyldy. Dınamıkalyq emniń arqasynda qaıta KT-nátıjesinde ókpe qabynýy 40-paıyzǵa deıin tómendedi. Qazir jaǵdaıy jaqsy, palataǵa aýystyrdyq, – deıdi ınfeksıonıst-dáriger Bekzat Begasyluly.

Koronavırýstyń aýyr túrin jeńip shyqqan azamattyń qazir densaýlyǵy jaqsy. Jaǵdaıy jaqsarǵan azamatty dárigerler úıine