«Nur Otan» partıasynyń «Ózgerister joly: Ár azamatqa laıyqty ómir!» atty 2021-2025 jyldarǵa arnalǵan Shymkent qalasy boıynsha saılaýaldy baǵdarlamasynyń oryndalýy boıynsha Jol kartasy ázirlengeni belgili. Soǵan sáıkes atqarylǵan jumystarǵa toqtalsaq, Shymkent qalasy Jumyspen qamtý jáne áleýmettik qorǵaý basqarmasyna qarasty álsiz toptaǵy jandar úshin qyzmet túrlerin 1 tereze arqyly kórsetýge arnalǵan «Ten qogam» sektory ashyldy.
Ortalyqtyń mindetterine áleýmettik qyzmetter portaly arqyly kórsetiletin qyzmet túrlerine kómek berý, múgedektigi bar qyzmetkerlerdi jumysqa qabyldaý boıynsha keńester berý, jekeleı súıemeldeý jáne t.b. qyzmetter kiredi.
«Ten qogam» sektorynyń maqsaty – Ulttyq jospardyń baǵyttary boıynsha jaýapty memlekettik organdar jumystaryn jalǵastyrý. Mysaly, múgedektiktiń aldyn alýǵa baǵyttalǵan sharalarda, densaýlyq saqtaý salasynda medısınalyq qyzmettik sapasy men qoljetimdiligine baılanysty sharalardy quzyrly organdarmen birge júrgizý.
Qoǵamdyq tasymaldaý jáne avtomobıl joldaryna qatysty joldarda bolatyn apattyq jaǵdaılardyń aldyn-alý maqsatynda jol júrý erejelerine sáıkes belgilerdi ornatý. Qazaqstan musylmandarynyń dinı basqarmasynyń ókilderimen birge óz-ózine qol jumsaý arqyly, densaýlyqqa zıandy áser etetin zattardy (alkogól, narkotık t.b.) qabyldaý arqyly múgedektikke ákeletin eskertý.
Inklúzıvti bilim berý: dene bitimine, psıhıkalyq, ıntelektýaldyq, mádenı, etnıkalyq, tildik jáne ózge erekshelikterine qaramastan bilim alýyndaǵy kedergilerdi joıý, áleýmettik ortaǵa beıimdelýin jáne yqpaldasýyn qamtamasyz etý.
