«Nur Otan» partıasynyń janyndaǵy bilim jáne ǵylymdy damytý jónindegi respýblıkalyq keńestiń tóraǵasy, «Nur Otan» fraksıasynyń múshesi, Májilis depýtaty, Juldyz Dosbergenqyzy qaladaǵy jekemenshik negizde ashylǵan mektepterdiń jumys barysymen tanysty.

«Nur Otan» partıasynyń saılaýaldy baǵdarlamasyn iske asyrý týraly «Ózgerister joly: barshaǵa laıyqty ómir!» Shymkent qalasynyń Jol kartasynda bilim salasyna jalpy 13 tapsyrma baǵyttalyp, búgingi tańda onyń 5-ýi tolyq oryndalǵan. Úsh aýysymdy mektepterdiń máselesin sheshý maqsatynda jekemenshik mektepter ashylýda.

Basynda toıhanaǵa arnalyp salynǵan ǵımarat (Ońtústik qabyldaý) búginde jan basyna qarjylandyrý esebinen qaıta qurylymdaý arqyly mektep bolyp ózgertilgen. «Al-Farabı» akademıalyk mektebi oqýshylarǵa zamanaýı talaptarǵa saı bilim berýde.

Qazirgi tańda 1386 oqýshynyń bilim deńgeıin kóterý úshin Fınlándıa eliniń oqý basqarmasymen kelisim shart jasap, fındyq júıeni bilim baǵdarlamasyna qosýdy júzege asyrýda.

Shymkent qalasynda 2021-2022 oqý jylynda paıdalanýǵa berilgen 1500 oqýshyny qamtıtyn «Nızamhan» orta mektebinde memlekettik standartqa sáıkes bilim beriledi. Oqý eki tilde júrgizilip, balalar tegin oqytylady. Oqýshylarǵa qosymsha úıirmeler, sport seksıalary, robototehnıka, bı, dombyra úıirmeleri ashylǵan.

Balalardy sapaly bilimmen qamtamasyz etý jáne úsh aýysymdy mektepterdiń sanyn azaıtý «Nur Otan» partıasynyń jiti baqylaýynda.