Osy oraıda, istiń basy qasynda júrgen «SHYMKENT» ÁKK ınvestor tartýda bıylǵy jyldyń kórsetkishi qýantarlyq ekenin jetkizdi. Kóbinde úı qurylsyna qyzyǵýshylyq týyndaıdy.

Qazirgi tańda «Shymkent «ÁKK» jeke ınvestorlarmen birlesip, jalpy somasy 527,5 mlrd.teńgege 45 ınvestısıalyq jobany iske asyrý boıynsha jumystar júrgizilip jatyr eken. Onyń 22 jobasy boıynsha jer ýchaskelerine quqyq berilse, qalǵan 23 joba quqyq berilý satysynda ekenin basqarma tóraǵasy Baýyrjan Kankın málimdedi.

Baýyrjan Kankın, «Shymkent «ÁKK» basqarma tóraǵasy
- Elimizdegi úshinshi megapolıske tartylǵan ınvestorlardyń kóbisi turǵyn úı salasyna qyzyǵýshylyq tanytady. Bul salady jalpy ınvestısıa somasy 495 mlrd teńge al, jalpy qýaty 1 769 589 sharshy metr bolatyn kóp qabatty turǵyn úı qurylysynyń 25 obektisin salý josparlanýda. Kópqabatty turǵyn úı qurylysy salasyndaǵy ınvestorlar qatarynda iri kompanıalar bar.

«Shymkent «Áleýmettik-kásipkerlik korporasıasy»-men birlesip iske asqan ınvestısıalardyń jalpy somasy 387 mlrd teńgeden asyp otyr. Bul ótken jylmen salystyrǵanda úsh ese kóp, deıdi Baýyrjan Kankın. Osy oraıda, jalpy bilim beretin mektepterdiń qurylysy boıynsha jobalar qatary 13 ınvestısıalyq jobany qurap, jalpy ınvestısıa somasy 25,9 mlrd.teńge tóńireginde. Jekemenshik áriptestik aıasynda salynǵan mektepter qajettilikti 54 paıyzǵa óteýge qaýqarly.

Aıta keteıik, densaýlyq saqtaý salasynda ınvestısıa jalpy somasy 9,5 mlrd teńgege jáne jalpy qýaty kúnine 3500 adam qabyldaıtyn 8 densaýlyq saqtaý nysanynyń qurylysy boıynsha ınvestısıalyq jobalardy iske asyrý boıynsha jumystar júrgizýde.