Jýyrda Nur Otan partıasy, Qarataý aýdany fılıalynyń qabyldaý bólimine «Ispıdjab» turǵyn alabynyń turǵyndary keldi. Olar jetekshi partıaǵa turǵyn alabtaǵy N. Iýldashev kóshesine jóndeý júrgizip berý týraly ótinishterin jetkizdi.

Azamattardyń bul ótinishine Shymkent qalasy máslıhatynyń depýtaty,fraksıa múshesi Lazız Sýlaımanov beı-jaı qaramady. Ol «Ispıdjab» turǵyn alabyndaǵy turǵyndar kótergen osy máseleni óz qarjysy esebinen rettep berýdi uıǵaryp, qajetti jumystardy qolǵa alady.

Búginde kósheni jóndeý jumystary aıaqtaldy. Depýtat Lazız Sýlaımanov óziniń bul demeýshilik isin el Táýelsizdiginiń 30 jyldyǵyna oraı qolǵa alynǵan «30 ıgi is» partıalyq jobasyn qoldaý maqsatynda júzege asyryp otyr.

Jomart jandy depýtatqa turǵyndar alǵys bildirdi.