Shymkent qalasy máslıhatyndaǵy «Nur Otan» partıasy depýtattyq fraksıasynyń otyrysy ótti. Fraksıa májilisin «Nur Otan» partıasy Shymkent qalalyq fılıaly tóraǵasynyń orynbasary, fraksıa jetekshisi Týlegenov Bekaıdar Musauly ashyp, júrgizdi.

Fraksıa otyrysyna partıa fılıaly tóraǵasynyń birinshi orynbasary Janar Álibekqyzy Bektaeva, tóraǵanyń orynbasary Qalmuratov Muratáli Orazáliuly, fraksıaǵa múshe depýtattar jáne baýapty basqarma basshylary qatysty.

Otyrystyń kún tártibinde «Ózgerister joly: Ár azamatqa laıyqty ómir!» atty «Nur Otan» partıasy Saılaýaldy baǵdarlamasynyń Shymkent qalasynda júzege asyrý boıynsha bekitilgen Jol kartasynyń oryndalý barysy talqylandy.

Atalǵan Jol kartasynda 149 is-shara oryndaý bekitilgen.

Bekitilgen Jol kartasy boıynsha 149 is-sharanyń 9-nyń oryndalmaý qaýpi bar. Osyǵan oraı ol is sharalarǵa jaýapty sala basshylary baıandama jasady.

Otyrys barysynda Jol kartasynyń 102, 104 tarmaqtarynyń oryndalýyna jaýapty qalalyq jaıly ortany damytý basqarmasynyń basshysy Ǵalymjan Ilásovtyń baıandamasynan atalǵan tarmaqtardyń oryndalý barysynda birneshe másele oryn aldy. Atap aıtatyn bolsaq: Ortalyq kósheleriniń boıynsha, qoǵamdyq oryndarǵa egiletin sándik gúlder, dekoratıvti aǵash kóshetterin daıyndaıtyn 200 gektar tuqymbaq ashý qarastyrylǵan jerlerdiń gıdrogeologıalyq jaǵdaıy zerttelmegen.

Sonymen qatar aýyl sharýashylyǵy jáne veterınarıa basqarmasynyń basshysynyń orynbasary Abýnasyr Sharıfýllaulynyń baıandamasynda Jol kartasynyń 70 tarmaǵy - 136 gektar quraıtyn «Agroındýstrıaldy aımaq» qurý jáne 71 - tarmaǵy - 89 gektar aýmaqqa jyl saıyn 15-20 ga jylyjaı salý boıynsha da máseleler talqylyndy.

Otyrys sońynda, joǵaryda aıtylǵan oryndalý táýekelderi joǵary tarmaqtardyń, onyń ishinde 70, 71, 102, 104 boıynsha Saıası keńes Búrosynyń kún tártibine qaraý týraly usynys engizildi.