Shymkent qalalyq máslıhat depýtattary, «Nur Otan» partıasy fraksıasynyń músheleri Nargıza Kerimbaeva men Aıjan Naımbekova aýdan ákimi Abzal Alıkýlovpen birge Qarataý aýdanynda atqarylǵan jumystardyń sapasyn tekserdi.

Nursat turǵyn alabyndaǵy ortalyq kóshelerdegi jasyl-jelekterdi kútip ustaý jumystaryn «Búldstroı» JSHS merdigerlik mekemesi jasaýda. Kógaldandyrý jumystary joǵarǵy sapada jasalyp, avtomatty túrde sýarý múmkindigi qarastyrylǵan jáne otyrǵyzylǵan kóshetter jaıqalyp tur.Kemshilikteri: balalarǵa arnalǵan oıyn alańyndaǵy qorshaýlar, syrǵanaqtarǵa óte jaqyn ornalasqan. Bul oıyn kezinde jaraqatqa ákelýi múmkin. Osy sebepten qorshaýlardyń ornyn aýystyrý kerektigi eskertildi.

Qaınarbulaq saıajaıy, №83 JOM janyndaǵy jer telimine, Qarataý aýdany ákimi apparaty tarapynan memlekettik akt berilip, Shymkent qaıyrymdy qala demeýshiler esebinen jattyǵý elementteri men ashyq sport alańshasy salyndy. Merdiger mekeme «Ferroteks» JSHS.

Munda mekteptiń aýlasynda qýraı ósip, qoqys jáshikteri ornatylmaǵan jáne balalar sýdy daladaǵy baǵanadan ishýge májbúr. Bul tez sheshilý kerek másele ekeni aıtylyp, naqty tapsyrmalar júkteldi. Atalǵan jumystar únemi partıa baqylaýynda.