Zańger, quqyqqorǵaýshy Abzal Quspan belsendi Rýza Beısenbaıteginiń isti bolýyna baılanysty pikir bildirip, máseleniń mán jaıyn túsindirdi.
Quqyqqorǵaýshy daý polıseılerden bastalǵanyn aıtady.
– Rýza apaı kóshi-qon komıtetiniń Pavlodarlyq basqarmasyna oralman-qandas aǵaıyndardyń quqyǵyn qorǵap barady. Qandastardyń basym bóligi orys tilin bilmeıdi, al álgi jerde barlyq is qaǵazdary orys tilinde, al qyzmetkerleri óńsheń qazaq, absýrd ıá ?! Uzyn-sózdiń qysqasy Rýza apaı buǵan deıina de talaı kelgenin, jaǵdaıdyń esh ózgermegenin aıtyp, orys tilindegi kórneki aqparattardy jyrtyp ýrnaǵa laqtyryp tastaıdy jáne oryssh sháńkildep júrgen bir áıelg qarat "qatyn" degen sózdi qoldanada. Sol úshin álgiler Rýzy apaıdyń ústinen aryz túsiredi, ol qylmystyq isterdi tirkeıtin reestrge tirkeledi, keıina Rýza apaıdyń "qylmysyn" usaq buzaqylyq degen bappny ákimshilkı iska aýystyryp, hattam toltyrady. Qyzyǵy sol, hattamada qatynǵa qarata aıtylǵan "qatyn" degen sózdi balaǵat sóz dep kórsetken!
Ákimshilik is búginge 13.10.2021 j., Saǵat keshki 17.00-ge taǵaıyndalǵan, biraq ol isti qaraý keıinge qaldyrylady depyrmyz, sebebi, Rýza apaıdyń ii Ásekeń polısıa qyzmetkerleriniń zańsyz áreketine qatysty shaǵym túsirdi, ol óz kezeginde ákimshilik istiń máni boıynsha qaralýyn keıinge qaldyrýy ot depozıta. Zań boıynsha solaı ..., – degen zańger jelidegi jazbasynyń sońyna "jalǵasy bar" dep jazǵan.
Keshe pavlodarlyq belsendi, qazaq tilinde qyzmet kórsetýdi talap etip júrgen Rýza Beısenbaıtegin polısıa birneshe saǵat ustap, keıin bosatqan. Belsendi ózin esh eskertpesten, kólikke kúshtep otyrǵyzǵanyn aıtqan. Ol ústinen aryzdanǵan kóshi-qon polısıasynyń qyzmetkerleri "úkimet qaǵazyn jyrtyp tastady" degendi aıtyp otyr deıdi. Rýza Beısenbaıtegi bul áreketke májbúrli túrde barǵanyn aıtady. Óıtkeni buǵan deıin talaı márte ótinish, eskertý jasap júrip, ótinish blankterdiń qazaq tilindegi úlgisin usynýǵa qol jetkize almaǵan. Ol Qytaıdan, Monǵolıadan kelgen oryssha bilmeıtin qandastar mundaı qujattardy túsinbeı, túrli qıyndyqqa tap bolady deıdi. Belsendige buǵan deıin esimin atamaýdy ótingen shetelden kelgen qandas kóshi-qon polısıasy yqtıar hattan bastap, ózge de qujattardy jasaýǵa 200 myń teńge suraǵanyn jetkizgen. Sózinshe, kóshi-qon polısıasy para alý úshin ádeıi qazaqsha qyzmet kórsetpeı, tek oryssha ǵana sóıleıdi. Ol azamattardyń Qazaqstanda memlekettik tilde qyzmet alý quqyǵy taptalyp jatqanyna, quzyrly organdardyń sol quqyqtyń saqtalýyna beı-jaı qaraıtynyna ashynady.
