Shyǵys Qazaqstan oblysynyń ákimi Danıal Ahmetov Semeı men Óskemendegi polıseılerge koronavırýsqa qarsy ekpe saldyrmaǵan turǵyndar týraly aqparat berýdi tapsyrdy.

– Sársenbi kúni sizder maǵan tolyq aqparat berýlerińiz kerek. Óskemen men Semeıde ýchaskelik polıseıler páterlerdi aralap, vaksına salǵyzbaǵan azamattardy anyqtaýǵa tıis. Polısıa departamenti bul jumysty júrgizip jatyr dep úmittenemin, – dedi Danıal Ahmetov.

Onyń aıtýynsha koronavırýstyń aldyn alý jáne onyń taralýyna jol bermeýde vaksınalaý jalǵyz tıimdi jol. Respýblıka boıynsha Shyǵys Qazaqstan jaqsy nátıje kórsetip otyr. Halyqtyń 48,7 paıyzy ekpe alǵan.

– Kórshi elderde qazir qalyptasqan jaǵdaı alańdatyp otyr. Sondyqtan profılaktıkalyq, analıtıkalyq jumystar men vaksınalaý naýqanyna quqyq qorǵaý organdaryn jumyldyrýdyń mańyzy zor, – dedi ol.