Talıbannyń joǵary deńgeıli delegasıasy kelissózder júrgizý úshin Túrkıa astanasyna keldi. Aýǵanstannyń jańa úkimeti dıplomatıalyq qoldaý men moıyndaýdy jalǵastyrýda.

Aýǵanstannyń syrtqy ister mınıstriniń mindetin atqarýshy Amır Han Mýttakı men basqa mınıstrler túrik joǵary laýazymdy adamdarymen kezdesip, kómek, kóshi-qon, áýe kóligi men saýda máselelerin talqylaıtyny habarlandy. Bul týraly Aýǵanstannyń syrtqy ister mınıstrliginiń baspasóz hatshysy Abdýl Qahar Balhı beısenbide Twitter paraqshasynda jarıalady.

Jaqynda ǵana Túrkıa syrtqy ister mınıstri Mevlút Chavýshoglý jýrnalıserge Aýǵanstan astanasy Kabýlǵa barýdy josparlap otyrǵanyn, Talıbanmen kelissózder júrgizetinin málimdegen.

Buǵan deıin Katarda birneshe kúndik kelissózder ótti. Kelissózderde AQSH jáne eýropalyq sheneýnikterden Aýǵanstannyń oqshaýlanýyn toqtatý suraldy, onyń ishinde eldi quldyratatyn qarjylyq shekteýlerdi jeńildetý týraly aıtyldy.

Talıban Aýǵanstandy baqylaýǵa alǵannan keıin NATO-ǵa múshe Túrkıa Kabýldaǵy elshiligin jappady jáne Batys elderin Aýǵan bıligimen qarym-qatynasty ornatýǵa shaqyrdy. Sonymen birge, Stambýl halyqaralyq qaýymdastyq Talıbanmen neǵurlym ınklúzıvti ákimshilik qurǵan jaǵdaıda ǵana jaqsy nátıjeli jumys isteýge bolatynyn aıtty.

Túrkıa sonymen qatar Aýǵanstan astanasy Kabýldaǵy áýejaıdy paıdalanýǵa jáne ony halyqaralyq saparlarǵa qaıta ashýǵa kómektesý úshin Katarmen jumys júrgizýde.