Shymkent qalasynda jyl sońyna deıin «Qarapaıym zattar ekonomıkasy» baǵdarlamasymen qarjylandyrylǵan Qazaqstandaǵy biregeı kásiporyn – «KazAlPack» allúmınıı bankalar óndirisi iske qosylady.

Indýstrıalandyrý kartasy engen bul joba «Ońtústik» ındýstrıaldy aımaǵynda júzege asyrylýda. Búginde qurylysy qarqyndy júrgizilýde.

Jyl sońyna deıin 145 jumys ornymen ashylatyn bul jobany iske asyrýǵa 23,4 mlrd teńge ınvestısıa tartylsa, 19 mlrd teńge kólemindegi somany «Qarapaıym zattar ekonomıkasy» baǵdarlamasymen qarjylandyryldy.

Jyldyq qýaty 500 mln dana qalbyr bankalar shyǵaratyn óndiris orny elimizdegi shki suranystyń 65 paıyzyn qamtamasyz etpek.

Aıta keteıik, ındýstrıalandyrý kartasy sheńberinde qalamyzda bıyl 17 jobany iske asyrý josparlanǵan. Nátıjesinde 40 mlrd teńge kólemindegi ınvestısıa tartylyp, 758 jańa jumys oryndary ashylmaq. Onyń ishinde bıylǵy segiz aıda 5 joba iske qosylyp, 385 jańa jumys oryndary ashylǵan. Tartylǵan ınvestısıa kólemi 12,6 mlrd. teńgeni quraǵan.