Prezıdentimizdiń «Egis dalasynan dúken sóresine deıin» jobasyn júzege asyryp otyrǵan kásipkerdiń biri - «Qasqasý S» sharýa qojalyǵy. Qala halqyn sapaly mal sharýashylyǵy ónimderimen qamtamasyz etip otyrǵan sharýashylyq Qarataý aýdany, Mártóbe turǵyn alabynda ornalasqan.

Kásipker turǵyndardy aýyl sharýashylyǵy ónimderimen qamtamasyz etý maqsatynda memlekettik qoldaýlardy paıdalana otyryp 2 áleýmettik dúken ashty. Osylaısha sharýashylyqta óndirilgen ónimder deldalsyz tutynýshyǵa tikeleı jetkizilýde.

Búginde sharýaqojalyqta 1200 bas buqashyq bordaqylanýda. Ótken jyly 330 tonnaǵa jýyq et óndirilgen.

Elbasymyz «Aqyldy tehnologıalar» – agroónerkásip keshenin qarqyndy damytý múmkindigi ekenin aıtqan bolatyn. Qazirgi tańda sharýashylyq bordaqylaýmen qosa 600 basqa arnalǵan asyl tuqymdy sútti baǵyttaǵy taýarly sút fermasyn qurýdy josparlaýda. Qurylys nysany aǵymdaǵy jyly bastalyp 2022 jyldyń 3 toqsanynda iske qosylmaq. Buǵan jumsalatyn ınvestısıalyq salym 2,3 mlrd. teńgeni quramaq.

Kásipker asyl tuqymdy iri qara maldyń analyq basty Eýrapa elderinen satyp alady. Al, sútti taýarly fermany tolyǵymen shet eldik «DeLaval» kompanıasynyń tehnologıasymen qurýdy josparlaýda. Sebebi, sút óndirisiniń kólemin arttyryp sapaly ónim alýdaǵy zamanaýı ozyq tehnologıa men qural jabdyqtar qoldanylady.