16 qazan kúni Ózbekstan men Aýǵanstan  shekara qaýipsizdigin qamtamasyz etý, sondaı-aq Aýǵanstan arqyly ótetin kólik dálizderiniń qurylysy týraly kelissózder ótkizdi. Bul týraly Ózbekstan syrtqy ister mınıstrligi habarlady.

Ózbekstan delegasıasyn premer -mınıstrdiń orynbasary -ınvestısıalar jáne syrtqy saýda mınıstri Sardor Ýmýrzakov,  Aýǵanstan tarapyn Aýǵanstannyń ýaqytsha úkimeti basshysynyń mindetin atqarýshy Abdýl Salam Hanafı basqardy.

Kelissózde delegasıalar ortaq shekaranyń qaýipsizdigin, sondaı-aq halyqaralyq júk tasymaly men tranzıt salasyndaǵy yntymaqtastyqty talqylady. Taraptar saýda-ekonomıkalyq jáne energetıkalyq yntymaqtastyq máselelerin de qarastyrdy.

"Infraqurylymdyq jobalardy iske asyrýǵa, atap aıtqanda, Sýrhan-Pýlı-Hýmrı elektr jelisiniń qurylysy men Termez-Mazarı-SHarıf-Kabýl-Peshavar temir jolynyń qurylysyna erekshe nazar aýdaryldy" dep habarlady  syrty ister mınıstrliginiń baspasóz qyzmeti.

Taraptar talqylanǵan máseleler boıynsha birqatar kelisimderge qol jetkizgen.