Qazaqstandyq sportshy, frıstaıl boıynsha QR quramasynyń eks-múshesi Aleksandr Gebert óziniń instagram paraqshasynda bas bapkeri olardy memleketten kúndelikti beriletin qarjyny ózine aýdarýdy talap etkenin málim etti.
Sportshynyń aıtýynsha, bas bapkeri Elena Krýglyhına sportshylarǵa beriletin kúndelikti qarjyny óziniń kartasyna aýdarýdy talap etip otyrǵan.
– Men QR sport sheberi boldym, halyqaralyq arenada jáne el arenasynda jaqsy nátıjeler kórsettim. 2020 jyly meni óz erkimmen quramadan shyǵýǵa májbúrledi. Óıtkeni jattyqtyrýshyǵa meniń "ózime tıisti qarjyny nege birýege berýimiz kerek" degen suraǵym unamady. Ár maýsym sońynda bizdiń quramanyń ár sportshysyna kúndelikti tamaq shyǵyndary úshin aqsha túsedi. Men buny maǵan aqsha aýdarylǵanda bildim. Sol kezde bapker sportshylardyń ortaq chatyna bul aqshanyń kimge kelgenin jáne ony kartaǵa nemese Kaspi nómirine bir saǵat ishinde aýdark kerektigin dep jazdy.
Buǵan menen basaq eshkim qarsy bolmady. Al "nege?" degen suraqtarym úshin meni "úsh áripke" (boǵaýyz sóz - red) jiberdi. Olar maǵan psıhologıalyq qysym kórsetti. Halyqaralyq jarystarda, jattyǵýlarda da meni qorlaıtyn sózder aıtty. Buny basqa sportshylar biledi, biraq ulttyq quramada júrgende jalaqysynan aıyrylýdan qorqady, – dedi Aleksandr.
Aleksandr qazir qurylysta eńbek etip júrgenin, frıstaıl sportyna 14 jylyn arnaǵanyn, Qazaqstannyń abyroıyn asqaqtatý úshin baryn salyp, halyqaralyq jarystarda kóptegen jaraqat alǵanyn jáne mundaı ádiletsizdikke laıyq emestigin aıtty.
Posmotret etý pýblıkasıý v Instagram
Pikir qaldyrý