Búgin Almaty áýejaıynda kólikpen soqtyǵysqan ushaqta  "Qaırat" fýtbol klýbynyń jattyqtyrýshylary men fýtbolshylary otyrǵany belgili boldy,  dep habarlady Zakon.kz saıty.

– Rasymende "Qaırat" fýtbol klýbynyń fýtbolshylary men jattyqtyrýshylar shtaby bortta boldy. Abyroı bolǵanda eshkim zardap shekpedi. Komanda biraz ýaqyt ushaqta otyrdy, sodan keıin klýbtyń bazasyna ketti. Keshke 24 qazan, jeksenbi kúni ótetin "Qaırat" - "Astana" mańyzdy machynyń aldyndaǵy jattyǵý bolady, – dedi "Qaırat" FK baspasóz qyzmeti.

Odan bólek, klýbtyń baspasóz qyzmeti fýtbolshylar men jattyqtyrýshylar Bakýden ushyp kelgenin aıta ketti. Olar Konferensıa lıgasynyń toptyq kezeńinde "Qarabaqqa" qarsy kezdesý ótkizgen.

Búgin Almaty áýejaıynda úshaq pen kólik soqtyǵysqan. Kóliktegi polısıa departamentiniń málimetinshe, atalǵan faktige qatysty qylmystyq kodekstiń 344-baby, 1-bóligi (Áýe kóligi júrisi nemese ony paıdalaný qaýipsizdigi qaǵıdalaryn buzý) boıynsha sotqa deıingi tergeý bastaldy.