Shymkent qalasynda bıyl 182 kóshe men 21,9 shaqyrymdyq 9 magıstraldy kóshede ortasha jóndeý jumystary qolǵa alynǵan.

Qala ákimi M.Áıtenov jol qurylysy nysandarynyń birqataryn aralap, jumys barysyn baqylady.

- Ortasha jóndeý jumystary júrgizilip jatqan nysannyń biri – qala ortalyǵyndaǵy B.Momyshuly kóshesi. Búginde qurylys jumystarynyń 95 paıyzy bitken. Bul kóshede ortasha jóndeý jumystary 2007 jyly júrgizilgen bolatyn.

Sonymken qatar M.Áıtenov T.Rysqulov kóshesine bardy.

Qala ákimi M.Áıtenov jol qurylysy nysandarynyń birqataryn aralap, jumys barysyn baqylady.

- T.Rysqulov kóshesi - kólik aǵynynyń qarqyndylyǵyna baılanysty jáne qalany ózge eldimekendermen biriktiretindikten basty magıstraldy kóshelerdiń biri bolyp tabylady. Baıtursynov kóshesinen Ál-Farabı kóshesine deıingi aralyqta ortasha jóndeý jumystary ótken jyldyń mamyr aıynda bastalǵan. Tórt jolaqty kósheniń jalpy uzyndyǵy 4,1 shaqyrym. Jol nysanynda jaıaý júrginshiler men velosıped joldary tóselgen. Jumystar kestege jáne joǵary standartqa saı júrgizilip keledi.

Aıta keteıik, Ál-Farabı kóshesiniń jalǵasy boıynsha júrgizilip jatqan qurylys jumystary kestege saı atqarylýda. Qala ákimi Murat Áıtenov qurylys barysyn baqylady. Sala jetekshilerine joldyń sapaly salynýyn qadaǵalaýdy tapsyrdy.

Kósheniń jalpy uzyndyǵy 7,6 shaqyrym, eni 43 metr. Joldyń júris bóligi – 4 jolaqty. Qazirgi ýaqytta asfált tóseý jumystary qolǵa alynǵan. Jalpy qurylys jumystarynyń 95 paıyzy oryndaldy.

Kóshe boıynda 6,35 metrli jolaqty bólip turatyn jasyl aımaq, aryq, 3 metrlik jaıaý júrginshi joly, 4,5 metrlik joldyń eki jaǵynan jasyl aımaq qarastyrylǵan.

Ál-Farabı kóshesi Temirlan tas jolyndaǵy kólik tyǵynyn azaıtý úshin balamaly jol bolyp esepteledi.