Qala ákimi tanysqan qurylys nysandarynyń biri - A-2 «Almaty – Tashkent» avtomobıl jolynyń qaıta qurý jumystary boldy. Qurylys merzimi 2018-2024 jyldar aralyǵyna josparlanǵan joba jalpy 8 kezeńnen turady.

1 kezeń - Q.Tólemetov kóshesinen Yntymaq sh/a deıingi aralyq. Búginde jer jumystary, jol negizderin tóseý, jol jamylǵysyn salý, káriz júıesin aýystyrý, aıaqjol salý, jaryqsham baǵanalaryn ornatý, aryq júıelerin ornatý jumystary júrgizildi. Birinshi kezeń osy jyldyń sońynda aıaqtalady dep josparlanǵan, qazirgi ýaqytta 90% jumys atqaryldy.

2 kezeń – Yntymaq sh/a Temirlan tas jolyna deıingi aralyq. Jalpy uzyndyǵy 2,5 shaqyrym, eni 80 metr, 4 jolaqty. Qazirgi ýaqytta jumys 60 paıyzǵa oryndalǵan, 2022 jylǵa ótpeli.

3 kezeń – Janatalap eldi-mekenindegi burylystan keıingi Badam ózeni kópir júıesi 100% aıaqtalǵan.

4 kezeń – Temirlan tas jolynan Badam ózenindegi kópirge deıin. Jalpy uzyndyǵy 1,86 shq quraıdy. Avtomobıl jolynyń eni 35,5 metr, 6 jolaqty. Qurylys jumystary bastaldy, joldy 2022 jylǵa aıaqtaý josparlanǵan.

Avtomobıl jolynyń tórt kezeńinde de eki jaǵynan sý aǵatyn aryq, jasyl aımaq, tratýar, jaryq shamdar ornatý kózdelgen.

Bul joldardyń qurylysy aıaqtalǵanda qaladaǵy kólik keptelisi azaıady jáne qanaǵattanarlyq jaǵdaıdaǵy sapaly joldar úlesi artady.