Shymkent qalasy ákiminiń qala aýmaǵynda tazalyq jumystaryn júıeleý jónindegi tapsyrmasyna sáıkes, Qarataý aýdanynda tazalyq jumystary turaqty júrgizilýde.

Aýdannyń ishki oram kósheleri men aýlalarynyń tazalyǵyn uıymdastyrý, kóshelerdi jýý, kúl-qoqystaryn shyǵarý, ırrıgasıalyq júıeler men bordúrler janyn tazalaý, t.b. mehanıkalyq jumystary «Jasyl jer» merdiger mekemesi atqarady.

Bul jumystarǵa 45 birlik mamandandyrylǵan tehnıka jáne 150 jumysshy jumyldyrylǵan.

Ár turǵyn óz aýlasynan bastap týǵan jerin abattandyrýǵa úlesin qosa alady. Qalanyń tazalyǵy úshin tıisti mekemeniń qyzmetkerleri ǵana emes, turǵyndar da jaýapty ekenin este saqtaıyq. Súıikti qalamyzdyń tazalyǵyn saqtaýǵa birge atsalysaıyq.