Ál-Farabı aýdanyndaǵy «Aıqap» shaǵynaýdanynda Shymkent qalasy Tótenshe jaǵdaılar departamentiniń avarıalyq-qutqarý qyzmeti seısmıkalyq oqý-jattyǵý is-sharasyn ótkizdi.

Oqý-jattyǵý barysynda apat aımaǵynan evakýasıalaýdyń teorıalyq jáne praktıkalyq daǵdylary pysyqtaldy. Oqý-jattyǵý jospary boıynsha jer silkinisi kezinde kópqabatty turǵyn úılerdiń turǵyndary qaýipsiz jerge evakýasıalandy.

Avarıalyq-qutqarý qyzmetteriniń, azamattyq qorǵaý bólimsheleriniń jáne jalpy TJ qyzmetkerleriniń ózara is-qımyl deńgeıi, tabıǵı jáne tehnogendik sıpattaǵy tótenshe jaǵdaı týyndaǵan kezdegi olardyń jumysynyń tıimdiligi baǵalandy.

Shymkent qalasynda bekitilgen josparǵa sáıkes, barlyq jalpy bilim beretin mektepterde, turǵyn alaptarda, kópqabatty turǵyn úılerde seısmıkalyq oqý-jattyǵý júrgizilýde.

İs-shara yqtımal jer silkinisteri kezindegi is-qımyldardy pysyqtaý, adamdardy evakýasıalaý, zardap shekkenderge kómek kórsetý, jer silkinisiniń saldaryn joıýdy maqsat etken.