Shymkent qalasynyń ákimi Murat Áıtenov «Aqtas» shaǵynaýdanyndaǵy sý jáne gaz júıeleriniń qurylys barysyn aralap kórdi.

Aqtas-2 shaǵynaýdanyn sapaly aýyz sýmen qamtý maqsatynda merdiger mekeme «Altyn konstrakshen» JSHS-i tarapynan qurylys jumystary atqarylýda. Bıyl shilde aıynda bastalǵan qurylys jumystaryn qarasha aıynda aıaqtaý josparda.

Jalpy uzyndyǵy 50,9 shaqyrym sýaqqynyń 43,0 shaqyrymnan astamy salynyp, qurylys jumystary óndiristik kestege sáıkes júrgizilýde. Jalpy jumystyń (İİ kóterý sorǵy stansasyn ornatý, órt sóndirý gıdranttaryn jáne ysyrma (zadvıjka) ornatý) 95 %-y oryndaldy. Qurylys tolyq aıaqtalǵannan keıin turaqty túrde sapaly aýyz sý beriletin bolady.

Qala ákimi abonentteý jumystaryn júıeli uıymdastyryp, turǵyndarǵa bul baǵyttaǵy jumystardy túsindirý boıynsha tapsyrma berdi.

Sondaı-aq, shaǵynaýdandy tabıǵı gazben qamtý boıynsha merdiger mekeme «Remstroı» JSHS-i tarapynan qurylys jumystary bıyl qazan aıynda bastalady.

Jobanyń jalpy quny– 536 mln teńge. Gaz qubyrynyń uzyndyǵy – 17 shaqyrym. Qurylys jumystary 2022 jylǵa ótpeli.