Shymkent qalasynyń «Sáýle shaǵynaýdany 276 oramdy ınjenerlik ınfraqurylym júıelerimen qamtamasyz etý jumystary júrýde. Qala ákimi sý, elektr jáne gaz júıeleriniń qurylys barysyn tekserip, jumystyń sapasyn baqylady.

Sáýle shaǵynaýdanyn aýyz sýmen qamtamasyz etý maqsatynda «AGAT» JSHS-i tarapynan bıyl maýsym aıynda qurylys jumystary bastalǵan. Nysan qurylysy 2021 jyldyń qarasha aıynda aıaqtalyp, tolyqqandy sapaly aýyz sý beriledi.
54,9 shaqyrym aýyz sý qubyrynyń 54,9 shaqyrymy tolyq salynǵan. Qazir abonentteý, órt sóndirý gıdranttaryn jáne ysyrma (zadvıjka) ornatý, İİ kóterý sorǵy stansasyn ornatý jumystary júrgizilýde. Jalpy jumystyń 92 %-y atqaryldy.

Tabıǵı gazben qamtamasyz etý boıynsha «HMSÝ Shymkent melıorasıa» JSHS-i tarapynan qurylys jumystary bıyl qazan aıynda bastalmaq. Nysan 2022 jylǵa ótpeli.

Elektr qýatymen qamtamasyz etý boıynsha «AksemserStroıServıs» JSHS-i tarapynan bıyl shilde aıynda qurylys jumystary bastaldy. Qurylys jumystary 2022 jylǵa ótpeli. Qazirgi tańda jalpy jumystyń 56 %-y atqarylǵan.