Aıova shtaty ýnıversıtetiniń bıomedısına salasynyń profesory Dong-Paı Han  19 mıllıon dollar kólemindegi grantty utyp alýy úshin JITS-ke (SPID) qarsy ekpeni daıyndaý týraly zertteýlerdiń nátıjesin jalǵan aqparattarmen bergen dep habarlady "Nú-Iork Post" gazeti.

Profesor qoıannyń sarysýyna adam qanynyń qospasyn, VICH-ke qarsy tura alatyn zattarmen biriktirip, qorytyndysynda jalǵan áserge qol jetkizgen. Bul jerdegi negizgi zat qoıannyń iritkisi bolyp otyr.

Mundaı ádispen emdeý tásilderi týraly zertteýler 2010-2012 jyldary ǵylymı basylymdarda jappaı jarıalanǵan bolatyn. Dong-Paı Han men onyń zertteýshilikpen aınalysqan toby memleketten óz degenderine jetip, grant utyp aldy. Biraq, keıinirek, tekserýlerdiń barysynda profesormen birge qyzmet atqarǵandar nátıjeniń jalǵan ekenin bilgendigi belgili boldy. Degenmen, ótirik bilmegensip júre bergen.

Zertteýdiń jalǵan ekendigi basqa memleket ǵalymdarynyń osy tásildi qaıtalamaq bolǵandaǵy jumystary kezinde belgili boldy. Amerıkandyq profesorǵa óz kinásin moıyndap, kásibin tastap ketýge týra keldi.