Densaýlyq saqtaý mınıstrligi aldaǵy úsh aıǵa epıdemıologıalyq jaǵdaı boljamyn jańartty. Bul týraly mınıstr Alekseı Soı úkimet otyrysynda málim etti.

Alekseı Soıdyń aıtýynsha, pesımısik senarı kezinde qarasha aıynda táýligine ortasha eseppen koronavırýs juqtyrǵan 1800 adam, jeltoqsanda – 2350, al qańtarda 3000 adam tirkeledi.

Realısik senarı kezinde qarashada táýligine – 1650, jeltoqsanda 1600, qańtarda 1500 adam indetke shaldyǵady degen boljam bar.

Optımısik senarı júzege assa, qarashada táýligine – 1500, jeltoqsanda – 1100, qańtarda 650 jaǵdaı tirkeledi.

– Densaýlyq saqtaý mınıstrligi ákimdiktermen birlesip, epıdemıaǵa qarsy sharalardy júzege asyryp, monıtorıń júrgizýde, – dedi Soı úkimet otyrysynda.

Mınıstrdiń aıtýynsha, sońǵy 2 aıda elde koronavırýspen aýyrǵandar 4,5 ese tómendese, ólim-jitim 4,8 ese azaıǵan. Sondaı-aq elde ýaqytsha ashylǵan 103 ınfeksıalyq nysan jabyldy.

Keshe koronavırýs juqtyrý kórsetkishi boıynsha birneshe aıdan beri "qyzyl" aımaqta turǵan Almaty qalasy "sary" aımaqqa, Almaty oblysy "jasyl" aımaqqa ótti.