Búgingi tańda shaǵyn jáne orta kásipkerliktiń negizgi kórsetkishteri boıynsha oń dınamıka bar.

Atap aıtsaq, qalada tirkelgen shaǵyn jáne orta kásipkerlik sýbektiler sany 87 076 birlik qurap, onyń ishinde jumys istep turǵan sýbektiler sany 72 681 birlikti qurady, ótken jyldyń tıisti kezeńimen salystyrǵanda 101,2% (jeke kásipkerler – 51 306, zańdy tulǵalar – 18 156, sharýa qojalyqtary – 3 219). Ótken jylmen salystyrǵanda tómendegeni karantınge baılanysty jeke kásipkerlik sýbektileriniń kóbisi jyldyń sońyna qaraı jumystaryn toqtatyp qoıdy. Alaıda 2021 jyly kásipkerlikti qoldaýǵa qarjy kóp bólinýine baılanysty aı saıyn ósim baıqalady. Jyldyń sońyna deıin 74,0 myń birlikke jetkizý josparlanýda.

Shaǵyn jáne orta kásipkerlikte jumyspen qamtylǵandar sany 168 myń adamdy qurap, nemese ótken jyldyń sáıkes kezeńine 104,4%-ǵa artty (2020 j. – 160,9 myń adam).

Shaǵyn jáne orta kásipkerlik sýbektilerimen shyǵarylǵan ónim kólemi aǵymdaǵy jyldyń 2 toqsan jaǵdaıy boıynsha 645,5 mlrd. teńgeni qurap, 2020 jyldyń tıisti kezeńmen salystyrǵanda 149,8%-ǵa artqan (2020 j. – 402,8 mlrd. teńge).

Shaǵyn jáne orta bıznestiń jalpy qosylǵan quny 423,8 mlrd. teńgeni qurap, jalpy óńirlik ónimdegi shaǵyn jáne orta bıznestiń úlesi 41,6%-dy qurady.

Shaǵyn jáne orta kásipkerliktiń ári qaraıdamytýdy jáne bekitilgen ındıkatorlardyń oryndalýyn qoldanystaǵy memlekettik baǵdarlamalardyń iske asyrylýy arqyly qol jetkiziletin bolady.