Qylmystyq kedekstiń 378-babynda "Bılik ókilin qorlaý" boıynsha jaýapkershilikke tartý kózdelgen.

 

Baptyń 1-tarmaǵynda "bılik ókilin óz qyzmettik mindetterin atqarý kezinde nemese olardy atqarýyna baılanysty qorlaý – seksen aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne seksen saǵatqa deıingi merzimge qoǵamdyq jumystarǵa tartýǵa ne jıyrma táýlikke deıingi merzimge qamaqqa alýǵa jazalanady", 2-tarmaǵynda "jarıa túrde nemese buqaralyq aqparat quraldaryn nemese telekomýnıkasıalar jelilerin paıdalana otyryp jasalǵan dál sol is-áreket – bir júz alpys aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne bir júz alpys saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady" delingen.

 

Janbolat Mamaı opozısıalyq ustanymdaǵy azamattyq belsendi. Demokratıalyq partıa dep atalatyn saıası kúsh qurǵysy keledi. Bul maqsatta ádilet mınıstrligine yntaly topty tirkegen. Alaıda partıa quryltaıyn ótkizbek bolǵanynda jaqtastary qamalyp, soǵan qarsylyq retinde mıtıń uıymdastyrǵan. Belsendi nesıe amnıstıasyn talap etip, jerdi sheteldikterge jalǵa berý, qazaqstandyqtarǵa satý, Qytaı ekspansıasyna qarsylyq, saıası tutqyndarǵa bostandyq sekildi máselelerdi kóterip birneshe ret mıtıń uıymdastyrǵan. Olardyń keıbirine bılik tarapynan ruhsat berilse, keıbirine ruhsat berilmegen. Mıtıńter kezinde áldeneshe ret birneshe jaqtasy ustalǵan. Keı narazylyq aksıalarynda belsendiler qysty kúni dalada saǵattap polısıa qorshaýynda turǵan.