Fýtbolshy Keısýke Honda qoldaǵan japondyq startap  680 000 dollar turatyn ushatyn motosıkl –hoverbaıkty satylymǵa shyǵardy.

Tokıoda ornalasqan "XTurismo Limited Edition Technologies" daıyndaǵan hoverbaık qozǵaltqyshpen jáne batareıamen jumys isteıdi. Tórt qozǵaltqyshpen jabdyqtalǵan moto 100 km/saǵ jyldamdyqpen 40 mınýt usha alady.

Qara jáne qyzyl tústi hoverbaık propellerlerdiń ústindegi motosıkl tárizdi korpýstan turady. 

"Mitsubishi Electric" jáne "Kyocera" sıaqty demeýshileri bar startap Fýdzı taýynyń janyndaǵy jarys jolynda hoverbaıktyń ushý synaǵyn kórsetti.

Bas atqarýshy Daısýke Katano jaqyn arada ony paıdalaný tek osyndaı jerlermen shekteletinin jáne Japonıanyń jabyq joldary arqyly ushýǵa ruqsat etilmeıtinin aıtty. "Biraq hoverbaıkty qutqarý toptary jetý qıyn jerlerge barý úshin paıdalanýǵa bolady" dedi ol.

Demeýshilik qarjylar osyndaı túrdegi startaptarǵa Kalıfornıadaǵy "Joby Aviation" kompanıasynan, Izraıldegi "AIR" kompanıasynan túsýde. Olar hoverbaık, djetpek jáne ushatyn taksıler sıaqty jeke áýe tasymaly dáýirin bastaýǵa ýáde beredi.