Ombýdsmen týraly zań jobasy Prezıdent bastamashy bolǵan saıası reforma aıasynda ázirlendi. Bul týraly búgin Májilistiń jalpy otyrysynda «Qazaqstan Respýblıkasy Adam quqyqtary jónindegi ýákil týraly» zań jobasyn jáne oǵan ilespe túzetýlerin maquldaý barysynda aıtyldy.

Májilis Tóraǵasy Nurlan Nyǵmatýlın bul elimiz úshin óte mańyzdy, óte  qajetti qujattardyń biri ekenin atap ótti.ıOsy engizilgen ózgeristerdiń nátıjesinde ombýdsmenniń qyzmetin, ókildigin, jalpy adam quqyqtary jónindegi ýákil ınstıtýtyn nyǵaıtýǵa naqty qadam jasalyp otyr. Bul memleket jáne azamattyq qoǵam arasyndaǵy baılanysty odan ári tereńdetýge jańa jol   ashatyny  sózsiz ekenin aıtty. 

Nurlan Nyǵmatýlın atap ótkendeı, adam quqyqtarynyń buzylýyn qalpyna keltirý boıynsha ombýdsmenniń ókilettikteri aıtarlyqtaı keńeıdi.

Aıta ketý kerek, búginde Ombýdsmen ınstıtýtyn onyń quqyqtyq mártebesin, qyzmetiniń qaǵıdattary men kepildikterin, sondaı-aq adamnyń jáne azamattyń buzylǵan quqyqtaryn qalpyna keltirý jónindegi quzyretti zańnamalyq deńgeıde naqty aıqyndaý arqyly odan ári damytý qajettigi jetildirildi.