Samsung kompanıasynyń murageri Lı Chje Ón tynyshtandyratyn propofol qoldanǵany úshin sottalyp, oǵan aıyppul salyndy.

Ońtústik Koreıa zańy boıynsha baqylanatyn dári-dármektiń alýshylary men ákimshileri qylmystyq jaýapkershilikke tartylýy múmkin. Preparat ádette pasıentterdi tynyshtandyrý úshin qoldanylady, biraq keı adamdar ony oıyn-saýyq úshin de qoldanady. Ol jeńil esirtki túrine jatady.

Ońtústik Koreıada aıyppul túrme jazasyna qaraǵanda jıi kezdesedi.

Prokýrorlar 2015 jáne 2020 jyldar aralyǵynda onyń esirtkini birneshe ret qoldanǵanyn sotta aıtqan soń, 53 jastaǵy Lı 43 myń fýnt sterlıń kóleminde aıyppul tóledi.

"Prokýrorlar onyń esirtkini teri emdeý syltaýymen paıdalanǵanyn málimdegenimen, Lıdiń advokattary ol esirtkini sottar men ákesiniń aýrýynan týyndaǵan psıhologıalyq kúızelispen kúresý úshin qoldanǵanyn aıtty" dep habarlady BBC.