Elektr energetıkasy ınvestısıalyq yntymaqtastyqtyń negizgi baǵyttarynyń biri bolyp tabylatyn Birikken Arab Ámirlikterimen úkimetaralyq kelisim Qazaqstan úshin úlken basymdyqtardy qamtıdy. Bul týraly Májilis depýtaty Dúısenbaı Turǵanov eki el arasyndaǵy kelisimge qatysty óziniń pikirin aıtty.

Depýtattyń aıtýynsha, búgingi tańda eldiń pandemıadan keıingi damýy jaǵdaıynda elektr energetıkasy sıaqty strategıalyq salalarǵa ınvestısıalar tartý - bul tutastaı alǵanda, Qazaqstannyń ınvestısıalyq klımatyna, otandyq kásipkerlikti damytýǵa jáne ulttyq ekonomıkanyń negizgi salalaryna ozyq álemdik tehnologıalardy tartýǵa oń áser etetini sózsiz.

Qazir elimiz jańa Ekologıalyq kodekske sáıkes eń ozyq qoljetimdi tehnologıalarǵa kóshedi. Sondyqtan kelisim sheńberinde strategıalyq jobalardy iske asyrýdy qamtıtyn múmkindikter elimizge «jasyl» ekonomıkany belsendi damytýǵa, qorshaǵan ortaǵa teris áser etýmen kúresýge múmkindik beredi, - dedi Dúısenbaı Turǵanov.

Depýtat atap ótkendeı, munyń bári jańartylatyn energıa kózderi úlesiniń artýyna, jalpy alǵanda elektr energetıkasynyń tehnologıalyq deńgeıiniń ulǵaıýyna yqpal etetin bolady.