Shymkent qalasynyń ákimi Murat Áıtenov jumyspen qamtý jáne áleýmettik qorǵaý basqarmasynyń basshysy B.Narbekovanyń 9 aılyq esebin qabyldady. 

Qalada 2021 jyly «Eńbek» baǵdarlamasy sheńberinde 33 500 adamdy jumyspen qamtý sharalaryna qatystyrý josparlanyp, esepti kezeńde 19 347 adam jumysqa ornalasqan.
Basqarma basshysynyń sózinshe, memlekettik baǵdarlamanyń İ baǵyty boıynsha 2 675 adam 3 aılyq kásiptik oqytý kýrstaryna, İİ baǵytynda 2 155 adam «Bastaý bıznes» jobasymen kásipkerlik kýrsyna oqytýǵa joldandy. Shaǵyn nesıeni 53 adam alsa, 584 adamǵa memlekettik grant berildi.
Baǵdarlamanyń İİİ baǵyty boıynsha (halyqty jumyspen qamtýǵa járdemdesý) 8 168 adam bos jáne jańa jumys oryndarǵa, 336 adam áleýmettik jumysqa, 2 531 adam jastar praktıkasyna, 2 845 adam qoǵamdyq jáne 115 adam «Alǵashqy jumys oryndary» jobasy boıynsha 24 aıǵa joldandy.
B.Narbekova halyqty áleýmettik qorǵaý baǵyty jóninde de aıtyp ótti. Osy jyldyń İ toqsanynda 36 969 otbasyǵa (179 209 adam), İİ toqsanda 30 962 otbasyǵa (149 147 adamǵa), İİİ-toqsanda 19 333 otbasyǵa (90 177 adamǵa) memlekettik ataýly áleýmettik kómek tólengen.