Almaty oblysynyń polısıa departamenti 27 qazan kúni Panfılov aýdany Penjim aýylynda mektep oqýshylary arasynda janjal shyǵyp, saldarynan 16 jastaǵy jasóspirim dene jaraqatymen aýdandyq aýrýhanaǵa túskenin habarlady.
Oqıǵaǵa baılanysty áleýmettik jelide túrli vıdeo men rastalmaǵan aqparat tarap jatyr. Bir vıdeoda mektep aýlasynda oqýshylar tóbeleskeni kórinse, kelesi vıdeo túngi ýaqytta túsirilgen. Ol jerden bir top jasóspirimniń arly-beri júrgenin, turǵyndardyń úreıli daýsyn, dúken órtenip, kólik terezeleriniń synǵanyn baıqaýǵa bolady.
Sondaı-aq áleýmettik jelide kıkiljińniń ultaralyq sıpaty bary týraly aqparat shyǵyp jatyr. Rastalmaǵan derekter boıynsha qazaq-uıǵyr jastary arasynda qaqtyǵys bolǵan.
Polısıa departamenti taratqan habarlamada ol týraly eshteńe aıtylmaıdy.
"9-shy jáne 10-shy synyp eki oqýshynyń arasynda aýyzsha daý-damaı týyp, arty oqýshylar arasyndaǵy tóbeleske ulasqany jáne onyń saldarynan jasóspirimniń zardap shekkeni belgili boldy. Atalǵan fakti boıynsha QR QK 106-babynyń 2-bóligi negizinde qylmystyq is tirkeldi, janjalǵa qatysýshylardyń barlyǵy anyqtaldy" delingen aqparattyq habarlamada sondaı-aq aýyl azamattarymen aýdan ákimi, aqsaqaldar jáne Almaty oblysy PD bastyǵy tarapynan kezdesýler men túsindirý jumystary júrgizilgeni aıtylady.
Posmotret etý pýblıkasıý v Instagram
Posmotret etý pýblıkasıý v Instagram
Pikir qaldyrý