Almatydaǵy hımıa-bıologıa baǵytyndaǵy Nazarbaev zıatkerlik mektebiniń 8-synyp oqýshysy ózine qol jumsady. Aqparatty qalanyń polısıa departamenti rastady. 

Atalǵan bilim ordasy qaıǵyly oqıǵa sabaqtan tys ýaqytta bolǵanyn habarlady. 

"Almaty hımıa-bıologıa baǵytyndaǵy Nazarbaev Zıatkerlik mektebiniń ákimshiligi 28 qazanda oqýshymen sabaqtan tys ýaqytta bolǵan jazataıym oqıǵa faktisin rastaıdy. Qazirgi ýaqytta tergeý amaldary júrýde. Kámeletke tolmaǵan balanyń múddesi úshin mektep qosymsha aqparatty jarıa ete almaıdy jáne túsinikteme bere almaıdy" delingen Nazarbaev zıatkerlik mektebiniń baspasóz qyzmeti taratqan habarlamada.

Polısıa departamentiniń málimdeýinshe, marqum óz úıiniń 11-qabatynan sekirip ketken. 

"Oqıǵa boıynsha Bostandyq aýdanynyń polısıa basqarmasy qylmystyq kodekstiń 105-baby ("ózin-ózi óltirýge deıin jetkizý") boıynsha sotqa deıingi tergep-tekserý jumystaryn bastady. Oqıǵanyń sebebi men mán-jaıy is júrgizý barysynda anyqtalady. Sot-medısınalyq saraptama taǵaıyndady" delingen  polısıa departamenti habarlamasynda.